മുറിവുകള്‍

നീ എന്നിലേല്‍പ്പിച്ച മുറിവുകള്‍

അവ ആഴ്ന്നിറങ്ങിയത്
എന്‍റെ ഹൃദയത്തിലാണ് .........
ആഴമേറിയ മുറിവുകളായി,
ഒരിറ്റു ഭിക്ഷപോലെ നീ തന്ന
പ്രണയം ...................ഹൊ !
അതിലുംവഞ്ചനയുടെ
ഒരിറ്റു കണികയുണ്ടായിരുനെന്നോ ?
നീ എന്‍റെ നേര്‍ക്ക്‌ വലിച്ചെറിഞ്ഞ കല്ലുകള്‍
അതെന്നെ മുറിപ്പെടുത്തുന്നില്ല .....
എന്നാലിന്ന് ..............
ഈ ലോകമൊന്നാകെ എന്‍റെ നഷ്ട്ടപ്പെട്ട
പ്രണയത്തെക്കുറിച്ച് പരിഹസിക്കുമ്പോള്‍ ,
ഒരു നേര്‍ത്ത തേങ്ങല്‍ .......
ഇന്നെനിലും ബാക്കിയാവുന്നു .................

തടവുകാരന്‍

ജനിയ്ക്കും മൃതിയ്ക്കും ഇടയിലൂടെ -

യുള്ള നിന്‍റെയീ യാത്രയിലും
എന്നെ നീ തുറിച്ചു നോക്കുന്നുവോ ?
നിന്‍റെ എല്ലുന്തിയ കവിള്‍ത്തടത്തിലേക്കും
നിന്‍റെ കരിവാളിച്ച മുഖത്തേയ്ക്കും
നോക്കവേ ഞാനും തളരുന്നു.........
നീ എന്നും നിന്‍റെ സ്വപ്നങ്ങളുടേയും
ചിന്തകളുടേയും തടവുകാരിയായിരുന്നു,
ഇന്നു നീ കാലമേല്‍പ്പിച്ച മുറിവുകള്‍
മറയ്ക്കാന്‍ ശ്രമിക്കുന്നുവെങ്കിലും
നിന്‍റെ കാലുകള്‍ ഇടറുന്നത് ഞാനറിയുന്നു .
യാഥാര്‍ത്യങ്ങളുടെ ലോകത്തിലേക്ക്‌
നിന്നെ കൂട്ടിക്കൊണ്ട് പോകുവാന്‍
ഞാനും ആഗ്രഹിക്കുന്നു ........
പക്ഷേ......................
ക്ഷമിയ്ക്കു .......................
നിന്നെ ചേര്‍ത്തു നിര്‍ത്തുവാന്‍
എന്‍റെ കരങ്ങള്‍ക്കിന്നു ശക്തിയില്ല ..
കാരണം .....ഞാനും ഇന്നു തടവുകാരനാണ് ,
നീ എന്നില്‍ ഏല്‍പിച്ച മുറിവുകളുടെ .....
നിന്നെ കുറിച്ചുള്ള ഓര്‍മകളുടെ ........

യാത്ര

എന്‍റെയീ യാത്ര തുടരുകയാണ്‌,

മരവിച്ച മനസുമായ്‌.....
എന്‍റെ സ്വപ്നങ്ങളില്‍ ഇന്ന്
നിന്‍റെ ഓര്‍മകള്‍ക്കു മങ്ങലേറ്റുവോ?
അറിയില്ല ................
എങ്കിലും എന്‍റെയീ യാത്രയുടെ അവസാനം
ഞാന്‍ എത്തിചേര്‍ന്നത്
നിന്‍റെ ഓര്‍മ്മകള്‍ ഓടികളിക്കുമാ മണ്ണില്‍
ഹേ ലോകമേ.......
എന്‍റെ ഭ്രാന്തമായ പ്രണയത്തെ ഓര്‍ത്ത്
നീ പരിഹസിച്ചു ചിരിക്കുന്നതെന്ത്?
എന്‍റെ മൂഡതയെ.......
കുറ്റപ്പെടുത്തുന്നത് എന്ത് ?
ചവറു കൂനയില്‍ വലിച്ചെറിയപ്പെട്ട
എന്‍റെ പ്രണയം ...............
ജീര്‍നിക്കുന്നതു കണ്ടു -
നീയും ചിരിക്കുന്നുവോ ???