Monday, October 19, 2009

തടവുകാരന്‍

ജനിയ്ക്കും മൃതിയ്ക്കും ഇടയിലൂടെ -
യുള്ള നിന്‍റെയീ യാത്രയിലും
എന്നെ നീ തുറിച്ചു നോക്കുന്നുവോ ?
നിന്‍റെ എല്ലുന്തിയ കവിള്‍ത്തത്തിലേക്കും
നിന്‍റെ കരിവാളിച്ച മുഖത്തേയ്ക്കും
നോക്കവേ ഞാനും തളരുന്നു.........
നീ എന്നും നിന്‍റെ സ്വപ്നങ്ങളുടേയും
ചിന്തകളുടേയും തടവുകാരിയായിരുന്നു,
ഇന്നു നീ കാലമേല്‍പ്പിച്ച മുറിവുകള്‍
മറയ്ക്കാന്‍ ശ്രമിക്കുന്നുവെങ്കിലും
നിന്‍റെ കാലുകള്‍ ഇടറുന്നത് ഞാനറിയുന്നു .
യാഥാര്‍ത്യങ്ങളുടെ ലോകത്തിലേക്ക്‌
നിന്നെ കൂട്ടിക്കൊണ്ട് പോകുവാന്‍
ഞാനും ആഗ്രഹിക്കുന്നു ........
പക്ഷേ......................
ക്ഷമിയ്ക്കു .......................
നിന്നെ ചേര്‍ത്തു നിര്‍ത്തുവാന്‍
എന്‍റെ കരങ്ങള്‍ക്കിന്നു ശക്തിയില്ല ..
കാരണം .....ഞാനും ഇന്നു തടവുകാരനാണ് ,
നീ എന്നില്‍ ഏല്‍പിച്ച മുറിവുകളുടെ .....
നിന്നെ കുറിച്ചുള്ള ഓര്‍മകളുടെ ........

2 comments:

നിരാന്‍ said...

ഓര്‍മ്മകളുടെ തടവുകാരന് ഭാവുകങ്ങള്‍

PAACHU.... said...

“സമയം വൈകി പോവുമോ?”